មុខសញ្ញាប្រើប្រាស់គ្រឿងញៀន ៣នាក់ត្រូវកម្លាំងនគរបាលឃាត់ខ្លួន
18-November-2017 | ដោយ ពលមនសិការ
ភ្នំពេញ ៖ ជនសង្ស័យ ៣នាក់ត្រូវប៉ុស្តិ៍គោកឃ្លាង ឃាត់ខ្លួនពាក់ព័ន្ធករណីប្រើប្រាស់សារធាតុញៀនខុសច្បាប់ កាលពីថ្ងៃទី១៧ ខែវិច្ឆិកា ឆ្នាំ២០១៧ វេលាម៉ោង២១និង៣០នាទី នៅចំណុចតាមផ្លូវ១០១៩ ភូមិរោងចក្រ សង្កាត់គោកឃ្លាង ខណ្ឌសែនសុខ។
លោកវរសេនីយ៍ត្រី គួក សុខហ៊ួរ អធិការរងខណ្ឌសែនសុខបានឲ្យដឹងថាជនសង្ស័យចំនួន ៣នាក់រួមមាន ៖ទី១-ឈ្មោះ សៀម ចិន្តា ភេទប្រុស អាយុ២២ឆ្នាំ មុខរបរ កម្មករសំណង់ ស្នាក់នៅក្នុងការដ្ឋាន សំណង់ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ, ទី២-ឈ្មោះ ជាវ ផាត់ ភេទប្រុស អាយុ៣០ឆ្នាំ មុខរបរ មិនពិតប្រាកដ ស្នាក់ភូមិច្រេស សង្កាត់គោកឃ្លាង ខណ្ឌសែនសុខ, និងទី៣-ឈ្មោះ ជី វី ភេទប្រុស អាយុ២៤ឆ្នាំ មុខរបរ កម្មករសំណង់ ស្នាក់នៅក្នុងការដ្ឋានសំណង់ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ។
សម្ភារៈដកហូត ៖ ម៉ូតូចំនួនមួយគ្រឿង ម៉ាកស្មាស់ រីវ៉ូ ពណ៌ខ្មៅ គ្មានស្លាកលេខ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាន នគរបាលខណ្ឌសែនសុខដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ1531
- ម្សិលមិញ10851
- សប្តាហ៍នេះ68051
- ខែនេះ183201
- ឆ្នាំនេះ183201
- សរុប20625657